Reperi Mozzik është një tjetër figurë publike që zbulon se vuan nga ankthi. Përmes disa postimeve në Instastory, Mozzik i tregon fansave faktin që ankthi nuk e lejon që t’i shijojë gjërat aq sa duhet, ndonëse është në moshë të re.
“Është e trishtë sepse ankthi nuk më lë t’i shijoj gjërat aq sa duhet në këtë moshë”, shkruhet në njërin postim ndërsa më tej në foton tjetër vijon: “Le të themi se dhe ankthi im ka ankth.”
Mozzik ka ndarë edhe një video ku thuhet: "Nëse ti nuk e kontrollon dot mendjen tënde dhe truri të kontrollon ty, je i mbaruar. Ti duhet t'i thuash trurit ku do të shkosh, si do të shkosh dhe si do arrish. Duhet ta kontrollosh".
