Këngëtarja Xhensila Myrtezaj ishte së fundmi e ftuar në emisionin “E ardhmja është vajzë” në “Abc News”, ku u surprizua nga partneri i saj, Besi.
Ai i kishte përgatitur një video-mesazh me fjalët më të bukura që nga oborri i shtëpisë.
“Unë jam i fiksuar pas luleve dhe gjithë vazot në shtëpi, Xhensila e di shumë mirë që i kam bërë vetë dhe i bëj me shumë dashuri, por lulja që më dha frytin më të bukur edhe çeli më bukur se çdo lule tjetër në tokë është lule Xhensila, e cila ka çelur një Ajkë. Nuk dua të zgjatem më, por e rëndësishme është që ç’të mbjellësh do të korrësh edhe mbillni të mirën”, shprehej Besi.
Xhensila u përlot nga dedikimi, teksa tha në studio se që pas lindjes së Ajkës është bërë natyrë shumë e ndjeshme.
