Prokuroria ka kërkuar 20 vite burg për efektivin Nevaldo Hajdaraj, i akuzuar për vrasjen e 25-vjeçarit Klodian Rasha. Mirëpo, në aplikim të gjykimit të shkurtuar efektivit të policisë do t’i ulet 1/3 e dënimit, duke shkuar në 13 vite burg.
"Kërkoj shpalljen fajtor të Nevaldos dhe dënimin e tij me 20 vite, por që në aplikim të gjykimit të shkurtuar ky dënim zbret në 13 vite", ka deklaruar prokurori Ardian Braho.
Seanca e mbrojtjes mbahet me datë 17 Qershor. Nevaldo akuzohet për vrasje me dashje. Kujtojmë se ngjarja e rëndë ndodhi me 8 Dhjetor të vitit 2020 dhe u pasua me protesta për ditë me rradhë në Tiranë.
Burimi: "Top Channel"
