Me anë të një postimi në rrjete sociale, kryeministri Rama ka prezantuar platformën dixhitale që do të përdoret në transportin rrugor ndërqytetas.
Platforma do të quhet e-Transport dhe do të përdoret për herë të parë në Shqipëri. E-Transport do të monitorojë fluksin e udhëtarëve në linjat e transportit, për gati 50 milion bileta udhëtimi në vit.
Rama ka shkruar se aplikacioni do të jetë falas për 520 linja, 242 operatorë, 2.282 mjete.
Njoftimi:
"Ja e ardhmja e afërt dixhitale e transportit rrugor ndërqytetës përmes e-Transport. Për herë të parë në Shqipëri, kjo platformë inovative do të menaxhojë e monitorojë fluksin e udhëtarëve në linjat e transportit, për gati 50 milionë bileta udhëtimi në vit, duke sjellë një përmirësim rrënjësor të eksperiencës së udhëtimit. Modul biletimi elektronik online (përmes aplikacionit në celular dhe faqes online), në autobus e në stacione, si dhe në agjencitë e udhëtimit. APLIKACIONI FALAS për: 520 linja, 242 operatorë, 2,282 mjete".
