Ditën e sotme është mbajtur mbledhja e Komitetit Teknik të Ekspertëve. Zv/ministrja e Shëndetësisë, Mira Rakacolli deklaroi se situata në këto dy javë ka qenë e qëndrueshme.
Ajo tha se Komiteti i Ekspertëve do t’i propozojë Ministrisë së Arsimit që nxënësit e procesit arsimor parauniversitar të kalojnë nga sistemi i kombinuar në klasa.
“Duke parë situatën dhe duke peshuar masat që janë marrë, Komiteti Teknik i ekspertëve mendon t’i propozojë Ministrisë së Arsimit që procesi mësimor parauniversitar të bëhet në klasë, duke ndjekur protokollet në mënyrë rigoroze”, tha Mira Rakacolli.
