Faqja “etw.albania” (European Testing Week) në Instagram ka ndarë një njoftim shqetësues me ndjekësit. Një person HIV pozitiv jeton në Tiranë dhe nuk pranon të fillojë terapinë me anti-retroviralë.
Sipas njoftimit, ai kryen seks të pambrojtur me meshkuj dhe femra. Deri më tani, janë raportuar tre raste të përhapjes së HIV-it nga ky person. Mirëpo, viktimat janë të frikësuar të flasin për shkak të stigmës së pranishme në shoqëri dhe frikës për jetën e tyre.
Ky person është 30 vjeç, i përket komunitetit LGBT (biseksual), është i pranishëm në tre aplikacione takimesh, si: Grindr, Planetromeo dhe Tinder. Në njoftim shkruhet se ai është paralajmëruar disa herë për sjellen e tij, por sërish vazhdon të mos e zbulojë statusin HIV te partnerët seksuale, si dhe refuzon t’i nënshtrohet terapisë.
Për shkak të ligjit numër 9952 “Mbi kontrollin dhe parandalimin e HIV/ AIDS”, nuk lejohet që të zbulohet identiteti i këtij personi.
