Anxhela Peristeri ishte e ftuar këtë të hënë në emisionin “Në Kurthin e Piter Pan”, ku iu përgjigj pyetjeve të gazetarëve të vegjël. Eriku kërkoi të dinte se pse Anxhela nuk është martuar ende.
Këngëtarja nuk dha detaje nëse e ka gjetur gjysmën e saj, por tha se pasi të bëjë njëherë Eurovizionin, do të martohet.
Erik: Anxhela, ti je kaq e madhe, pse s’je martuar akoma?
Anxhela Peristeri: Unë e di që jam kaq e madhe dhe e di që nuk jam martuar akoma, por them të bëj njëherë këtë Eurovizionin, të shkoj njëherë atje dhe pastaj të martohem.
Alketa Vejsiu: E ke gjetur gjysmën tënde më të mirë?
Anxhela Peristeri: Nëse nuk e kam gjetur do ta gjej.
Alketa Vejsiu: Tani na thuaj ndonjë gjë këtu o Anxhela se nuk është vend për të mbajtur sekrete Piter Pani, këtu e hapim zemrën.
Anxhela Peristeri: Jetën personale gjithmonë kam preferuar ta mbaj të tillë.
Alketa Vejsiu: Nëse pas Eurovizionit ke ndërmend të martohesh, nuk do të martohesh me ajrin?
Anxhela Peristeri: Ku i dihet Alekta, ku i dihet ç’ndodh dhe ndërrohet.
Alketa Vejsiu: S’ta urojmë këtë gjë Anxhela.
Anxhela Peristeri: As unë nuk ia uroj vetes.
Alketa Vejsiu: Ia preve krahët atij djalit që po të shikon tani
Anxhela Peristeri: I mirëpres të gjitha në jetë. Është më mirë kur nuk i deklaron se nuk i marrin mësysh të tjerët.
