FDA rikonfirmoi besimin në alternativa të besueshme dhe produkte të bazuara në shkencë
Gërhitja gjatë gjumit është nga shqetësimit që deri më sot mendohej të ishte e pazgjidhshme. Ndërkohë Administrata Amerikane e Ushqimit dhe Barnave ka surprizuar edhe këtë herë pasi autorizoi tregtimin e një pajisjeje të re vetëm me recetë që synon të zvogëlojë gërhitjen dhe apnean (ndalimin e pa vullnetshem te frymëmarrjes gjatë gjumit).
Ndryshe nga pajisjet e përdorura ndërsa pacientët flenë, kjo është pajisja e parë e përdorur gjatë zgjimit që ka për qëllim të përmirësojë funksionin e muskujve të gjuhës, e cila mund të ndihmojë në parandalimin e kalimit të gjuhës prapa, lëvizje që pengon rrugët e frymëmarrjes gjatë gjumit.
Edhe pse gërhitja nuk konsiderohet si një problem serioz shëndetësor nga shumë, gjithsesi ndikon në cilësinë e jetës. Të dhënat tregojnë se rreth 95 për qind e njerëzve që gërhasin shqetësojnë gjumin dhe anëtarët e tjerë të familjes. Sipas ekspertëve, gërhitja mund të arrijë një intensitet prej 90 decibelësh - e cila është e ngjashme me dëgjimin e tingullit të një makinë prerëse bari ose një motorri.
Gërhitja gjithashtu mund të çojë në një çrregullim serioz - apnea, e cila na bën të "harrojmë të marrim frymë" gjatë gjumit. Apnea karakterizohet nga ndërprerja e frymëmarrjes dhe një rënie e dukshme e rrjedhës së ajrit nëpër rrugët e frymëmarrjes gjatë gjumit, që zgjat më shumë se 10 sekonda. Hulumtimet tregojnë se 1 në çdo 20 njerëz në botë vuajnë nga apnea, dhe nëse nuk trajtohet, mund të shkaktojë komplikime më serioze shëndetësore, të tilla si glaukoma, atak në zemër, diabeti, kanceri, çrregullimet konjuktive dhe çrregullimet e sjelljes.
Produkti i aprovuar nga FDA pritet të ndihmojë në lehtësimin e sikletit të shkaktuar nga këto çrregullime të frymëmarrjes - pasi të dhënat tregojnë se përdorimi i tij ka ndihmuar në uljen e gërhitjes së zhurmshme me mbi 20 përqind, 87 pacientë nga 115 të testuar.
Ky nuk është rasti I vetëm që FDA autorizon produkte që I vijnë në ndihmë përmirësimit të shëndetit publik.
Vetem pak muaj më parë, në korrik të 2020, FDA ka marrë një vendim tjetër që përfaqëson një moment historik në fushën e shëndetit publik, pasi ka autorizuar IQOS, një pajisje elektronike që ngroh por nuk djeg duhanin, si një produkt me risk "të modifikuar".
Përmes këtij vendimi, FDA rikonfirmoi besimin në alternativa të besueshme dhe produkte të bazuara në shkencë. Pas gati katër vitesh dhe analizave të shumë studimeve shkencore, FDA ka vendosur të klasifikojë IQOS, një sistem për ngrohjen dhe mos djegien e duhanit të prodhuar nga Philip Morris, në kategorinë e produkteve për duhanin që reduktojnë në mënyrë të konsiderueshme ekspozimin ndaj substancave të dëmshme krahasuar me cigaret.
Sipas FDA ky vendim mbi IQOS është në përputhje me shëndetin publik, ndërsa Mitch Zeller, drejtor i Qendrës FDA për Produktet e Duhanit, tha se "pajisja mund të ndihmojë duhanpirësit e rritur të lënë dhe të zvogëlojnë ekspozimin e tyre ndaj substanca të dëmshme, por vetëm nëse kalojnë plotësisht në këtë produkt. "
Ky vendim i FDA ka sjellë optimizëm midis ekspertëve që mbështesin konceptin e "reduktimit të dëmit", pasi ata tani shohin një mundësi për të gjithë duhanpirësit që nuk lënë duhanin të kërkojnë alternativa më të mira, të bazuara në shkencë.
