Këtë të enjte u mbajt mbledhja e Komitetit Teknik të Ekspertëve, ku Mira Rakacolli deklaroi se do të mbeten në fuqi masat kufizuese të dy javëve më parë.(Lexo këtu)
Për shumë qytetarë transporti publik është e vetmja mënyrë për të lëvizur nga një vend në tjetrin. Mirëpo dhe pse në periudhë pandemie, autobusat ndodh të jenë plot. Gjatë mbledhjes, Rakacolli u shpreh se kontrollet në urbane vijojnë të bëhen dhe se askush nuk i detyron qytetarët të hipin në to.
"Për kontrollet në urbane, vijojnë të bëhen. Gjithsesi zgjedhja është personale. Nuk arrihet suksesi me forcë. Nuk të detyron njeri të hipësh në urban, kur shihet që është plot nuk hipet. E kuptojmë që njerëzit nxitojnë të kapin oraret e punës, por që duhet të kujdesemi për vetën dhe familjarët. Gjithsesi, inspektoriati është duke punuar”, tha ajo.
