Generda nuk ishte e zgjedhura e Saimirit mbrëmjen e djeshme në "Love Story", por kjo nuk e ka mërzitur aspak bukuroshen e cila jeton në Gjermani. Përkundrazi, ajo është fotografuar mbrëmjen e sotme me një nga djemtë më simpatik të "Përputhen", Atdheun.
Ka qenë gazetarja e "Daily Love Story", Eva Huli që ka publikuar në Instastory disa foto ku në njërën prej tyre Generda shfaqet me Atdheun teksa ky i fundit i ka hedhur krahun.
“Kur të mbyllet një derë të hapet një dritare. (Më shumë Atdheu është si shtyllë, po nejse)”, ka shkruar gazetarja.
Ndërsa në foton tjetër shfaqet edhe Redona, ish-konkurrentja e cila jeton në Itali dhe Andi i "Përputhen".
Se ç'po ndodh nuk dihet, por nuk përjashtohet mundësia që të katërt të jenë miq me njëri-tjetrin. Detaje të tjera na mbetet të na i zbulojnë vetë ata.
Kujtojmë që Atdheu edhe pak kohë më parë u filmua me Dritën e "Love Story", por pranoi publikisht se ata janë miq shumë të mirë.
