Ish-konkurrentja e “Përputhen 1”, Ina Kollçaku ironizoi në rrjete sociale fjalën “perverse” dhe “seksizëm” të shpjeguara sipas Arjan Konomit. Ajo publikoi një status me shpjegimin e këtyre fjalëve dhe në fund shkroi: “Ju lutem blini një libër!”
"Sapo kuptova që fjala perverse qenka krijuar nga Arjan Konomi dhe ka kuptim një zgjedhje jo e zakonshme. O Zot! Seksizmi është term i lidhur vetëm me paragjykimet me bazë gjinore. Psh: Vajzat/gratë veshin rozë. Pse ke veshur bluzë rozë si vajzë? Djemtë/ Burrat punojnë në ndërtim. Pse burrë je ti të punosh në ndërtim?
Fjala femër madje është traumatike për një feministe, nëse nuk po përdoret vetëm për seksin, psh në pasaportë. Vajzë dhe grua është i vetmi term i saktë. Unë kur dëgjoj “jemi femra” më vjen të vdes!
Ngacmimi seksual nuk është seksizëm. Ngacmimi seksual është ngacmim seksual! Seksualisht ngacmohen vajzat, djemtë, homoseksualët, biseksualët, transseksualët dhe unë si sapioseksuale sa herë dikush thotë diçka idiote!
Ju përshëndes tani! Zoti mbroftë adoleshentët që kanë këto shembuj! Uroj të harrojnë me moshë ça kanë dëgjuar sot! Ju lutem, blini një libër!”, shkroi Ina.
Pas komentit të saj, Konomi ka publikuar një foto të tij, me një përgjigje anash. “Ajo çfarë më lumturon më shumë në efektin e fjalës time është fakti se detyroj mediokrit të hapin fjalorët”, ka shkruar opinionisti.
