Këngëtarja e emisionit “Shiko Kush LUAN” me autore dhe moderatore Luana Vjollcën për të katërtin sezon është Fifi.
Ajo këtë here u vendos përballë Marsela Çibukajt në sfidën “Shiko Kush Përgjigjet”. Në këtë sfidë Fifi na zbuloi shumëçka nga jeta e saj personale dhe shumë të reja që nuk i dinim. Ajo zbuloi se “Stracciatella” nuk është më në jetën e saj dhe ajo është “single”.
Te pyetja “A bëni thashetheme për kolegët? Na thoni një thashethem…” Fifi zgjodhi të tregojë një thashethem mbi veten duke treguar se njerëzit e kanë bërë të lidhur me Fation Kuqarin.
Një postim i Fifit ku etiketonte Fationin e "Përputhen", i ka bërë kuriozë të gjithë se çfarë lidhje kanë ata me njëri-tjetrin.
Fillimisht Fifi postoi një video ku shihej duke kënduar këngën e saj që pritet ta publikojë së shpejti “Maniak”. "Unë e ti maniak", shkruante këngëtarja duke etiketuar Fationin.
Ky postim nxiti fansat ta pyesnin pse e ka etiketuar Fationin. "Sepse është maniak", iu përgjigj Fifi.
"Ti dhe Fationi çfarë jeni se s'po kuptoj?", e pyet një tjetër. "Mirë është mos me kuptu najherë", i përgjigjet Fifi.
Megjithatë me këto postime këngëtarja e ka bërë të qartë se Fationi do të jetë protagonist në klipin e saj të rradhës dhe mezi po presim.
