Një modele 21-vjeçare që ishte në garë për konkursin e bukurisë “Miss Mexico 2021”, është gjetur e vdekur. Ximena Hita u gjet pajetë në shtëpinë e saj teksa rrethanat e sakta të vdekjes së 21-vjeçares, mbeten një mister.
Zëdhënësi i policisë, Mario Garcia, tha se gjetjet fillestare sugjeruan se Ximena mund t'i ketë dhënë fund jetës. Por hetime të mëtejshme do të kryhen para se të konfirmohet diçka.
Përveç modelimit, 21-vjeçarja punonte edhe me ndihmën e shpejtë dhe po studionte për t’u bërë infermiere në qytetin e Aguascalientes.
Ximena fitoi “Miss Aguascalientes” në 2019 dhe ishte një nga kandidatët për “Miss Mexico 2021” që do të zhvillohej më 13 mars.
