Qeveria shqiptare ka arritur dakordësinë me kompaninë amerikane Pfizer për nisjen e vaksinimit në vendin tonë. Vaksinimi do të nisë në muajin Janar bën të ditur në një postim në rrjetet sociale Kryeministri Edi Rama.
“Në kushtet skajshmërisht të vështira si pasojë e kërkesës globale marramendëse dhe sasisë ende tejet të vogël të prodhimit, kemi dakordësuar në parim pas kontaktesh intensive nga të katër anët, tekstin e marrëveshjes me Pfizer për të nisur vaksinimin në janar!”
Rama e quan të papranueshëm diferencimin që sipas tij Bashkimi Europian i bëri Ballkanit, megjithatë ai thotë se qeveria shqiptare nuk do të ndalet që të sigurojë deri në dozën e fundit të vaksinës.
“I papranueshëm moralisht, polikisht, logjikisht diferencimi që BE-ja i bëri Ballkanit po ia dolëm sidoqoftë me diplomaci e me këmbëngulje të mos mbetemi mbrapa askujt. Dhe nuk do të ndalemi deri në sigurimin e dozës së fundit. Fjalët mbrapsht atyre që vazhduan me sharje e akuza!”, shkruan Rama.
