Këtë të premte siç u paralajmërua po zhvillohet protesta e radhës për vrasjen e të riut Klodian Rasha, nga efektivi i policisë.
Kapsolle, gurë, tension janë raportuar mbrëmjen e sotme në këtë protestë.
Protestuesit janë mbledhur në Bulevardin “Dëshmorët e Kombit”, me thirrjet “Poshtë diktatura”.
Protestës së sotme i janë bashkuar ish-deputetë të LSI, Përparim Spahiu, Silva Caka, Erisa Xhixho. Po ashtu protestës i është bashkuar edhe deputetja Rudina Hajdari.
Policia ka shpërndarë protestuesit me gaz lotsjellës ndërsa më pas ka nisur shoqërimet. Vetëm një numër i vogël qytetarësh janë aktualisht në bulevard, ndërsa i gjithë sheshi është i mbuluar nga tymi.
