Emisioni "Përputhen" ka shkuar deri në parlament! Në seancën e sotme parlamentare, deptueti Halit Valteri gjatë fjalimit të tij i bëri një thirrje autores së emisionit, Olsa Muhametit.
"Dimri i dytë erdhi dhe shqiptarët janë akoma në çadra ndërsa Edi dhe Luli bëjnë politikë për të kapur klikime. Dhe meqë po flasim për klikime, do t'i kërkoja Olsa Muhametit, autores së emisionit "Përputhen", të ftojë zotin Rama dhe zotin Basha në emision, t'i përputhë njëherë e mirë, që të biem rehat dhe ata mos të zihen për klikime", tha Valteri.
Pas kësaj deklarate, Olsa ka reaguar me një postim në Instastory ku shkruan: Vetëm se ne jemi modest, bazin, nuk na pëlqejnë shkëlqimet, politika etj, ajo që bëjmë ne është të sjellim në ekran copëza të jetës së të rinjve, ashtu thjesht si është edhe populli ynë.
