Portieri i Kombëtares, Alban Hoxha ishte i ftuar mëngjesin e sotëm në "Wake up", ku gjatë intervistës foli paksa edhe për jetën private.
Fillimisht Albani tha se atij dhe Çiljetës nuk u pëlqen të flasin për jetën private, megjithatë kur Ori dhe Isli po e ngacmonin me pyetje, portieri tregoi se ata po bashkëjetojnë.
Albani tha se ai zgjohet i pari në mëngjes dhe pohoi se përpiqet të tregohet shumë i kujdesshëm që të mos ja prishë gjumin Çiljetës.
I pyetur nëse ia bën kafen apo mëngjesin partneres, portieri u përgjigj se këto gjëra ndodhin vetëm në filma.
