Pacienti 69-vjeçar R.G, i cili u hodh nga kati i dytë i Infektivit të martën, u nda nga jeta mëngjesin e sotëm. Familjarët janë shprehur për "Tvklan" se e kanë marrë vesh lajmin e hidhur nga televizori, pasi stafi i spitalit nuk i ka informuar.
Po ashtu, ato kanë shtuar se nuk janë të sigurtë nëse 69-vjeçari kishte apo jo Koronavirus.
“Nga ora 2-3 që kanë shkuar deri nga ora 8 e kanë mbajtur në ambulancë me qëllim se nuk ka pasur vende. E kanë futur në korridore dhe akoma nuk kanë marrë asnjë lloj shërbimi. Sot e kësaj dite nuk është konfirmuar nëse ishte me Covid xhaxhai im. Nuk e di se çfarë ka ngjarë, kur mora vesh nëpërmjet titrave që është hedhur nga ballkoni”, janë shprehur familjarët.
Burimi: "Tvklan.al"
