Mediat turke raportuan se 91 orë pas tërmetit, skuadrat e kërkim-shpëtimit nxorrën të gjallë nga rrënojat një 4-vjeçare të quajtur Ayda Gezgin.
Ajo ndodhej prej orësh në rrënojat e ndërtesës së apartamenteve në “Rıza Bey” në Izmir. Presidenti i Ekip shpëtimit, Cem Erdogan bëri që vajza e vogël të fliste, ndërsa e mbante fort dorën e saj dhe e përkëdhelte.
Dialogu mes Aydas dhe heroit të saj në rrënoja:
Cem Erdogan: Ne të duam shumë, në rregull? Shpirt im! Je shumë e bukur, mos ki frikë vajza ime e bukur. E mësove emrin tim?
Ayda: Po
Cem Erdogan: Si e kisha emrin?
Ayda: Xhem
Cem ErdoÄ?an: Shiko, të gjithë janë këtu. Babai po të pret. Mbaj dorën time. Jam këtu me ty. Do jem gjithmonë pranë teje.
Ndërkohë pak orë më parë, skuadrat e shpëtimit kanë gjetur edhe trupin e pajetë të nënës së Aydas, Fidan Gezgin.
Babai i vogëlushes dhe vëllai i saj kanë shpëtuar pasi nuk ndodheshin në shtëpi në momentin kur ra tërmeti.
