I mendonim të lidhur, Popi zbulon çfarë e lidh me Arilena Arën dhe u habitëm

Këngëtarja e njohur Arilena Ara është përfolur prej kohësh për një lidhje dashurie me menaxherin e saj, Popi Kola. Dedikimet plot dashuri dhe fotot e ndryshme në rrjete sociale i kanë nxitur këto aludime, mirëpo e vërteta është komplet tjetër.

Këtë pasdite, Popi ishte i ftuar në emisionin "Ftesë në pesë", ku foli për herë të parë rreth raportit me Arilenën. Ai u shpreh se këngëtarja është si një fëmijë për të, për të cilin kujdeset gjithmonë.

Gjatë intervistës, Arilena e surprizoi Popin në një lidhje direkte me skype. Ajo tha se menaxheri është familja e tij dhe kanë dashurinë e njëjtë me atë të një prindi dhe fëmijës.

"Është shumë e vështirë të flasësh për Popin, është sfidë për mua dhe nuk është e lehtë sepse nuk ekzistojnë fjalë apo ndjesi të artikuluara që të shprehin dashurinë, respektin që kam për atë njeri të jashtëzakonshëm", tha Arilena mes të tjerash.