Ditën e djeshme u bë e ditur se Cristiano Ronaldo ka rezultuar pozitiv me koronavirus. Lajmin e konfirmoi Federata Portugeze e Futbollit.
“Cristiano Ronaldo u largua nga trajnimi me ekipin kombëtar pasi u testua pozitiv me Covid-19 kështu që nuk do të përballet me Suedinë”, thuhej në një njoftim.
Mësohet se futbollisti i Juventusit është në gjendje të mirë dhe nuk ka simptoma. Ai është izoluar në shtëpi. Disa orë pasi lajmi u bë publik, partnerja e Ronaldos, Georgina ka publikuar në Instastory një foto nga biseda e tyre me kamer.
Ronaldo ndodhet në shtrat, por në një gjendje të mirë shëndetësore. “Ti je frymëzimi im!”, shkruan Georgina krah postimit.
Çifti ndodhet larg njëri-tjetrit pasi Ronaldo është izoluar në Portugali ndërsa Georgina në shtëpinë e tyre.
