Një postim në Instagram ka nxitur debat në puntatën e sotme të "Përputhen". Tea kishte postuar një foto nga puntata e kaluar ku shfaqej me Shqipen dhe shkruante një shprehje të marrë nga një film vizatimor: "Por gjithçka ndryshoi kur kombi i zjarrit sulmoi".
Shqipja e kishte ripostuar foton e Teas me mbishkrimin: "Dhe mulliri i kashtës u dogj menjëherë dhe lopët mbetën pa ngrënë". Pikërisht kjo shprehje nuk i ka pëlqyer aspak Teas, e cila është ndjerë e ofenduar.
Shqipja u shpreh se nuk kishte për qëllim të ofendonte Tean dhe postimi nuk i drejtohej asaj. Megjithatë në studio ky postim ngjalli debat të ashpër dhe Fatjoni e Tea iu kthyen kundër Shqipes.
Pjesë nga debati:
Shqipja: Mullari i kashtës është thelbi i muhabetit kurse lopët ishin thjesht në thonjëza, nuk ishte për dikë.
Tea: Në momentin që hidhet foto ime, është personale. Unë ta bëra kompliment, jo sulmim.
Shqipja: Ku e pe sulmin aty?
Tea: O Shqipe aty shkruan "mullari i kashtës" dhe "Lopët"
Shqipja: Ah nëqoftëse e ke marrë për vete, puna jote
Tea: Jo, kështu e kanë kuptuar të gjithë. Ça doje të thoje ti me këtë?
Shqipja: Mullari i kashtës është thelbi i muhabetit, në momentin që thelbi i muhabetit merr flakë, nuk ka çfarë të diskutohet më, lopët ishin në thonjëza. Nuk kam ça të bëj unë s'merrni vesh as nga sarkazma, as nga batuta
Ndërhyn Fatjoni: Unë e mora sikur e ke thënë për Tean. Në foto është Tea me ty.
Ndërhyn Andi: Mullari i kashtës simbolizon muhabetin, po lopa ça simbolizon?
Shqipja: Asgjë
Fatjoni: Duket keq
Shqipja: Pse jeni kaq të djallëzuar? Nuk kam cilësuar asnjeri aty si lopë
Tea: Çfarë lidhje kanë lopët me bisedën? Ku qëndron batuta?
Shqipja: Nuk kishin lidhje lopët fare
Tea: Po pse e vure pra kur s'kishin lidhje?
Shqipja: Desha moj ta vija, do të pyes ty ça do vendos në Instagramin tim?
Tea: Po normal se kur je duke fol për mua
Shqipja: Të gjithë jeni keqkuptuar se unë nuk e kisha fare për Tean.
Opinionisti Arjan Konomi: Shoh që të gjithë ju këtu i suleni Shqipes për të përfituar disa komente pozitive duke e sharë dhe është gjëja më e ulët. S'më pëlqen fare që Tea e ka marrë kështu sepse është një batutë që njerëzit sipërfaqësor dhe pa tru nuk e kuptojnë. Pse duhet ta marrësh për keq? Ti je lopa? Ti mendon se je lopa? Kaq pak konsideratë ke për veten?
Tea: Arjan po sulmon pa lidhje fare. Nëse dikush të godet ti i thua faleminderit? Nuk më pëlqen fare kjo që the, më duket shumë pavend, të respektoj për mendimin tënd, por nuk më duket i drejtë.
Shqipja: Më vjen keq që je ofenduar, por ajo lopa s'ka lidhje fare.
Tea: Të vjen keq që unë jam ofenduar, por nuk të vjen keq që e ke thënë atë gjë. Ti nuk po më kërkon mua falje.
Shqipja: Nuk kam pse të kërkoj falje
Tea: Sinqerisht nuk dua falje nga ty, të faltë Zoti. E kam thënë që ato që thotë Shqipja në prapaskenë për mua...
Shqipja: Ça kam thënë në prapaskenë për ty, i ke transformuar.
Tea: Shqipja është tip negativ kundrejt meje, nuk e di çfarë ka me mua. Ndoshta është xheloze.
Shqipja: "Shumë xheloze"
