Shtatzënë për herë të parë, Roberta e 'Rebelde' zbulon gjininë e bebit me videon më të ëmbël

Aktorja dhe këngëtarja meksikane, Dulce Maria, e njohur nga të gjithë si Roberta e "Rebeldeve" është në pritje për t'u bërë nënë për herë të parë. Lajmin e ëmbël e bëri të ditur vetë ajo pak kohë më parë, me anë të një fotoje në rrjete sociale.

Së fundmi, Roberta ka zbuluar gjininë e foshnjës në mënyrën më të bukur. Fillimisht ajo ka publikuar një foto me të shoqin, në të cilën shihen me një tullumbace në duar ku shkruhet: "Vajzë apo djalë?".

Më pas aktorja ka publikuar një video sërish pranë të shoqit. Dyshja kanë zbuluar se do të bëhen me vajzë dhe ndihen të bekuar.