Ditën e sotme nisi viti i ri shkollor për të gjithë nxënësit në vend, mes tyre edhe për Joelin, vogëlushin e Ermalit dhe Amit. Çifti shumë i dashur për publikun e shoqëroi vogëlushin në ditën e parë shumë të rëndësishme dhe plot emocion për Joelin.
Ermali publikoi dy foto nga dita e parë e shkollës për Joelin dhe shkroi se ai kur ishte në moshën e të birit, ka qarë shumë. Në fto Joeli shfaqet me uniformën e shkollës dhe me buqetë me lule në duar.
"Dita e parë e shkollës sot. Mbaj mënd sa kam qarë unë kur isha sa Joeli.
Këtu te @kingstirana nuk të linin të qaje... As mamatë nuk i linin...
Mbetëm shumë të kënaqur me përgatitjet që stafi dhe drejtuesit e huaj kanë ndërmarrë në këtë vit të veçantë.
Ndihemi me fat që në Tiranën tonë mundësohet arsimim i standardeve më të larta britanike.
Suksese gjithë nxënësve që filluan sot rrugëtimin e dijes...", shkruan Ermali.
