Në një deklaratë për "Abc News", një qytetar nga Lezha ka ngritur shqetësimin se vëllai i tij po mbahet në spitalin Covid-2 që prej tre ditësh, ndonëse tamponi i tij ka rezultuar negativ.
Ai ka treguar se i vëllai është dërguar fillimisht në Lezhë dhe pas dyshimeve të mjekëve e kanë sjellë në Tiranë, për t'iu nënshtruar testit. Sipas tij, vetë mjekët kanë thënë se pacienti nuk duhet të mbahet në spital Covid, pasi ka probleme me kokën dhe jo simptomat e virusit. Qytetari shprehet se i vëllai mund të ketë ndërruar jetë dhe ato nuk dinë asgjë.
“Vëllai im pre tre ditësh. Erdhëm nga Lezha. Erdhëm tek Infektivi. Kishte dyshime për Covid. Tamponi doli negativ. Një doktoreshe që takuam dje tha nuk e dimë pse na e kanë sjellë këtu se nuk është për këtu. Ai ka probleme në kokë.
Por këtu nuk është për atë punë, Nuk e di pse e mbajnë te Covidi. Nuk dimë asnjë të dhënë për vëllain. As e kam parë vëllain. Jemi në pavijon për Covid, por nuk ka Covid. Mjekun nuk e njohim. Atë ditë që e sollëm në urgjencë thanë se do i përcaktojnë diagnozën. Ata nuk na japin asnjë shpjegim. Asnjë sqarim.
Ne duam ta çojmë aty ku duhet jo për Covid. Mund të ketë vdekur ai dhe ne nuk dimë asgjë. Asnjë njeri nuk na jep informacion. Prej tre ditësh jemi këtu ditë e natë. Dua të di çfarë bëhet me vëllain tim. Dua të shkojnë aty ku duhet vëllai im.
Pse e mbajnë këtu kur nuk është me Covid. Problemi i tij është në kokë. Është në gjendje shoku. Doktoresha vetë e tha se nuk e di pse e kanë sjellë këtu se nuk është për këtu. Doktoresha tha nuk është për këtu por më erdhi keq dhe nuk e ktheva”, ka treguar ai.
Burimi: "Abc News"
