Ka ndërruar jetë për shkak të Covid-19 profesori i Universitetit të Politeknikut Klement Qerimi. Qerimi prej kohesh ndodhej i shtruar në spital dhe në ditët e fundit ka qenë i intubuar.
Lajmin e vdekjes e konfirmojnë kolegët e tij përmes postimeve në rrjetet sociale.
Në një email të pak ditëve më parë që Qerimi u shkruante miqve të tij i informonte se kishte ditë që ishte me temperaturë 40 gradë celcius.
“Njoftim për situatën time shtruar me COVID-19 .
Të nderuar kolege, u benë 7 ditë që temperatura nuk zbret nga 40 gradë.
Jam shtruar te Spitali Infektiv ose Covid 1, menjëherë pas daljes së tamponit.
Kujdesuni për veten e familjaret tuaj!
Gjithë të mirat
Klementi"
Kujtojmë se Klement Qerimi pas tërmetit të 26 nëntorit, fatkeqësisht përveç shkatërrimit të banesës, humbi edhe shikimin.
