Aktorja turke Gokçe Akyildiz, e njohur tashmë nga roli i "Songylit" në telenovelën "Lule të vetmuara", është divorcuar nga bashkëshorti. Lajmin e bëjnë të ditur gazetat turke ndërkohë që vetë aktorja çdo procedurë e ka kryer në heshtje.
Sipas burimeve për gazetat turke, Gokçe është ndarë nga Mustafa Ozyurt pas disa mosmarrëveshjeve që kishin në martesën e tyre. Çifti ka një djalë nga martesa e tyre tre vjeçare.
Kujdestaria e vogëlushit Omer i kaloi aktores.
Pas ndarjes, 27-vjeçarja ka fshirë fotot me bashkëshortin dhe e ka hequr atë nga rrjetet sociale.
Bëhet e ditur se aktorja ka vendosur që tani e tutje të fokusohet tek biznesi i saj - një kafeteri në Stamboll dhe të rikthehet në ekran me një serial të ri.
