Qeveria do të ashpërsojë dënimet kundër diskove dhe klubeve të natës që hapen, të cilat kanë urdhër të qëndrojnë të mbyllura. Gjatë fjalës së saj në Kuvend, ministrja e Shëndetësisë, Ogerta Manastirliu deklaroi se bizneset që gjehen hapur do t’i pezullohet licenca për një periudhë një-vjeçare:
“Ndryshimet dhe shtesat në aktin normativ sa i përket periudhës së pandemisë vijnë pasi duam të vendosim detyrimin për diskot, klubet e natës që kanë pasur detyrim që në krye të herës që të mos hapen.
Është vënë re që jo të gjithë e kanë zbatuar urdhrin, duke u kthyer në vatra infeksioni. Detyrimi tani çon deri në pezullim aktiviteti 1 vjecar kur këto subjekte nuk i binden asnjë ligji", tha Manastirliu.
Ministrja i bëri apel të rinjve që të tregojnë më shumë kujdes pasi janë përgjegjës për përhapjen e virusit tek familjarët.
