Dy pacientë kanë humbur jetën në 24 orët e fundit në spitali Infektiv. Burime për abcnews.al bëjnë të ditur se dy viktimat janë nga Kruja.
Bëhet fjalë për një 76-vjeçar dhe një 59 vjeçar. Ky i fundit ishte shtruar në spital Infektiv të enjten.
Situata nga koronavirusi në vend është përkeqësuar së fundmi dhe numri i të infektuarve e i viktimave fatkeqësisht është rritur.
Serioze vijon të jetë situata edhe në spitalin Infektiv ku është rritur numri i të shtruarve dhe i personave në gjendje të rëndë.
