Një ngjarje tronditëse ka ndodhur mbrëmjen e sotme në Tiranë. Nëna e bijë janë gjetur pajetë në banesën e tyre.
Shtetasi S.F ka njoftuar policinë se motra nuk i përgjigjej në telefon. Shërbimet e policisë kanë gjetur motrën dhe nënën e tij pajetë, ndërkohë që motra tjetër është dërguar në spital në gjendje të rëndë.
Dyshohet se viktimat janë vetëvrarë. Policia ka nisur hetimet për zbardhjen e ngjarjes dhe për të zbuluar shkaqet.
Njoftimi i policisë:
Tiranë/Informacion paraprak
Më datë 02.07.2020, shtetasi S.F, ka njoftuar në Komisariatin e Policisë nr 6 se në rrugën “Hamdi Cenoimeri”, motra e tij nuk i përgjigjej në telefon dhe nuk i hapte derën e banesës.
Në banesë kanë shkuar shërbimet e Policisë dhe të zjarrfikëses dhe pasi kanë hapur derën, kanë gjetur pa shenja jete shtetasen ZH.J., 56 vjeçe dhe vajzën e saj A.J., 30 vjeçe, ndersa vajza tjetër B.J, rreth 34 vjeçe, është dërguar në spital, në gjendje të rëndë shendetësore.
Paraprakisht nga veprimet e para hetimore dyshohet se janë vetëflijuar.
Grupi hetimor i përbërë dhe nga dy ekspertë të mjekësisë ligjore ndodhet në vendngjarje dhe po punon për zbardhjen e plotë të rrethanave të ngjarjes .
