Rubrika “Shihemi në gjyq” në Tv Klan solli ditën e sotme problematikën mes dy vëllezërve, Mynyrit dhe Fitimit. Mynyri zbuloi një sekret për gruan e tij dhe akuzon vëllain e tij, Fitimin se ai e ka ditur këtë.
Pas ndarjes nga gruaja, Mynyri mësoi se djali nuk ishte i tij dhe e vërtetoi këtë pasi bëri testin e ADN-së. Mynyri punonte në Greqi dhe u shpreh nuk ishte në dijeni për lëvizjet e ish-bashkëshortes. Ai i kërkoi llogari vëllait, Fitimit pasi ky i fundit e ka afër shtëpinë me ta.
Mynyr: Si nuk e dije ti, kur e dinte gjithë Ksamili?
Fitimi: O zotëri nuk merrem me familjen tënde unë, kam familjen time.
Mynyr: Si nuk e dije ti?
Fitimi: Nuk e dija, nuk më interesonte familja jote, kam familjen time unë.
Eni Çobani: Pse duhet ta dinte Fitimi këtë gjë?
Mynyr: Të më lajmëronte mua!
Eni Çobani: Pse ju dyshoni që e dinte Fitimi?
Mynyr: Pse mos ta dinte ai?
Eni Çobani: Pse duhet ta dinte pra? Se jeni afër?
Mynyr: Jemi afër.
Fitimi: S’kam lidhje, s’kam punë unë me këta.
Mynyr: Unë kam dëgjuar tani nga të tjerët, se i zoti e merr vesh në fund. Ajo vinte në orën 3 të natës, se bridhte nëpër disko, unë punoja si qen në Greqi. Ajo bridhte nëpër disko me dashnorët.
Fitim: Dëgjo, vëllai im mua mos ma ngarko këtë, se unë nuk di gjë për veten time. Kam familjen time, mos më bjer në qafë të lutem.
Mynyr: Zonja Eni kam rritur fëmijën 5 vjet. Më ka ngelur thikë në zemër ai fëmijë, se ai më thërret mua baba.
Fitimi: Zonja Eni më fal, më keni telefonuar për një problem dhe çështje dhurim pronësie.
Eni Çobani: Po është dhe ai problem.
Mynyr: A e dëgjove në gjyq që tha ajo të kam dhënë lekë. Ke marrë lekë ti?
Fitimi: Zotëri edhe njëherë, mos më detyro të iki nga emisioni, se dëgjo unë nuk kam ardhur të zgjidh problemet e tua. Zgjidhi vetë, ke gjykatë, ke trup gjykues.
Mynyr: Zonja Eni e mora ADN-në dhe vajta në gjykatë bëra gjyqin.
Fitimi: Nuk jam unë ai që zgjidh problemet e tua, ti je kompetent për familjen tënde.
Burimi: tvklan.al
