Ditën e djeshme ndërroi jetë një 70-vjeçar nga fshati Derviçian i Gjirokastrës. I moshuari pësoi atak kardiak teksa ishte në momente intime. Ngjarja e rëndë ndodhi në një prej lokaleve të zonës, ku i moshuari ishte klient. Ai ishte futur në një prej hapësirave të lokalit me partneren e tij, por papritur nuk është ndjerë mirë duke humbur jetën.
Ditën e sotme partnerja e tij është arrestuar nga policia. Ajo është ndaluar në ambientet e lokalit të saj, të cilin akuzohet se e përdorte për ushtrim prostitucioni.
Materialet hetimore i kanë kaluar Prokurorisë pranë Gjykatës së Shkalles së Parë Gjirokastër. Ndaj saj rëndojnë akuzat për veprat penale “mbajtja e lokaleve për prostitucion” dhe “ushtrim prostitucioni”.
