Ministria e Shëndetësisë bëri me dije se brenda 24 orëve të fundit janë konfirmuar 48 raste të reja me Koronavirus, nga 270 të testuar. Përgjatë këtyre ditëve numri i rasteve të reja është rritur ndjeshëm dhe mjeku Tritan Kalo ka reaguar së fundmi me anë të një statusi në Facebook.
Ai shprehet se rikthimi i izolimit të vendit është i pamundur por qytetarët duhet të tregohen më vigjilent. Kalo iu bën thirrje të gjithëve që të ndërgjegjësohen, të ruajnë higjienën personale dhe kolektive, të mbajnë maska dhe të ruajnë distancën fizike.
“Nga sfida e përditëshme me Covid-19…..Rimbyllja e padëshirueshme dhe e pamundur, por ecja e kujdesshme përpara është plotësisht e mundshme. Oksigjenimi i trurit dhe i trupit pas uljes së vrullit të Sars-Cov2/Covid-19 nëpërmjet kufizimeve të imponuara, Duhet të na bëjë në vijimesi të reflektojmë dhe të veprojmë me moton: ‘Jeta e gjithkujt është shumë e shtrenjtë, e domosdoshme për shoqërinë tonë.’…Nenvleresimi i vetëndërgjegjësimit, i mirësjelljes në publik, i distancimit fizik, i higjenës personale dhe asaj kolektive, i aktivitetit fizik në mjedise të hapura, i mbajtjes së maskave në mjedise me prani të shumë individëve në to, i kufizimeve të grumbullimeve kur këto nuk janë një domosdoshmëri jetësore, i hidrimit dhe i ushqimit të shëndetshëm dhe sipas mundësive, solidariteti me njerëzit në nevojë, i respektimit të vetëvetes por edhe i të tjerëve që gjallojnë rreth teje e sidomos ulja e përkujdesit ndaj të moshuarve, sjellin për pasojë edhe shtimin e mundësive për tu infektuar nga Sars-Cov2/Covid-19….
Të mendojmë dhe të punojmë vetëm e vetëm për të ardhmen tonë dhe të fëmijëve tanë….Udhen e theqafjes/gurbetit kurdoherë e kemi të hapur, por “guri i rëndë në vend të vet”…PPP-ja shpirt dhe vendmbrothësuese duhet të jetë dhe të mbetet vetëm PUna, PËRKUSHTIMI dhe PROFESINALIZMI prej gjithkujt, për çdo çast dhe kudo….Aja çka i lëmë vendit dhe brezave është vetëm e vetëm mbrothësimi i tyre….Aja çka gjithkush len pas vetes është vetëm e vetëm emri i mirë, dobiprurja për ecurinë e pjesëzës socio-ekonomike për të cilën ai/ajo ka kontribuar….Kerkimi me çdo mjet e formë i protagonizmit dhe i identitetit të munguar socio-profesional sidomos në këto kohë, sjedh vetëm e vetëm kokëdhimbje e konfuzion për publikun, si dhe zbehje apo zhbërje të profesionalizmit të gjithsecilit prej nesh….Na dëgjoni, na besoni, na mirëkuptoni dhe bashkëpunoni me Ne, për tu përballur me këtë sfidë të Sars-Cov2/Covid-19, dhe jo vetëm….Per të sotmen dhe të ardhmen tonë", ka shkruar mjeku.
