Një ngjarje e rëndë ka ndodhur në Milano, Itali ku një i ri shqiptar, 24 vjeç është goditur me thikë nga disa persona.
Mediat vendase bëjnë të ditur se shqiptari është gjetur në rrugë në veri-perëndim të Milanos, në qytetin e Bressos në rrugën Marconi i masakruar me thikë. Gjithçka ka ndodhur në orën 2.30 të mëngjesit.
Sipas dinamikës së ngjarjes, 24 vjeçari shqiptar i cili ishte i njohur më parë nga policia, në gjendje të dehur, është goditur nga disa persona, të cilët më pas ia kanë mbathur para se të mbërrinte ndihma e shpejtë.
Aktualisht i riu po mbahet në reanimacion në spital.
