Besnik Daci, ish-drejtori i shkollës 9-vjeçare ku mësonte vajza 15-vjeçare e abuzuar nga roja Abaz Doku, ka deklaruar se e ka njoftuar Ministrinë e Arsimit për një prej djemve të implikuar në këtë ngjarje.
"Kam denoncuar në mënyrë të menjëhershme, nxënësi u rikthye brenda 24 orëve në institucion. Sjellja dhe qëndrimi i këtij nxënësi vazhdoi të ishte shqetësuese dhe rezulton se ky nxënës është i implikuar dhe në rastin në fjalë", tha Daci për "Ora News".
Besnik Daci shprehet se njëri nga tre djemtë që ka përdhunuar 15-vjeçaren ishte akuzuar nga një tjetër vajzë për ngacmime seksuale, por çështja ishte mbyllur pasi familja kishte tërhequr denoncimin në polici.
"Pala e prindërve ka tërhequr denoncimin në organet kompetente dhe atëherë institucioni është detyruar vetëm të forcojë punën edukative", tregoi Daci.
"Është vënë në dijeni Ministria e Arsimit me email dhe gjitha procedurat", tha ish-drejtori.
