Burak Ozçivit dhe bashkëshortja e tij Fahriye Evecen janë bërë shumë të njohur për publikun shqiptar, falë roleve në serialet turke që transmetohen dhe në Shqipëri. Fahriye ka festuar së fundmi ditëlindjen dhe në ditën e saj të veçantë nuk kanë munguar surprizat nga i shoqi.
Buraku i ka dhuruar partneres një tortë në të cilën ishte vendosur një foto e saj me djalin e tyre. "Sa më shumë vite të lumtura si familje", shkruhej në tortë.
Fahriye ka publikuar një foto të tortës në Instastory duke i shprehur dashurinë publikisht Burakut. "Të dua zemra ime", ka shkruar ajo. Kujtojmë se së fundmi aktorin e shohim në rolin e "Osmanit", serial që po transmetohet dhe në Shqipëri.
