Një ngjarje e rëndë ka ndodhur paraditen e sotme në Krumë. Një 8 vjeçar ka humbur jetën te "Fusha e Sportit", teksa luante me fëmijët e tjerë.
Policia ka njoftuar se vogëlushi është rrëzuar dhe ka humbur më pas jetën gjatë rrugës për në spitalin e Hasit. 8-vjeçari nuk kishte asnjë shenjë në trup dhe pritet të bëhet ekspertiza për të gjetur shkaqet e humbjes së jetës.
Njoftimi i policisë:
Më datë 28.05.2020 në vendin e quajtur Fusha e Sportit në qytetin e Krumës, shtetasi E. C. 8 vjeç, duke luajtur me fëmijë, është rrezuar.
Menjëherë është dërguar në spitalin e Hasit, por rrugës ka ndërruar jetë. Gjatë këqyrjes në trup nuk janë konstatuar shenja.
