Pronari i tij ka vdekur, por ky qen besnik vazhdon e pret prej 3 muajsh në një prej spitaleve në Wuhan.
Ky është Xiabao, qeni që ka fituar zemrën e të gjithë punëtorëve të spitalit që nga dita kur shkoi bashkë me pronarin e tij, i cili ishte i infektuar me COVID-19.
Qenushi shtatë vjeçar mashkull, akoma e pret në spital duke kërkuar gjithandej për të. Madje kur e dërguan diku larg, ai u kthye përsëri në Spitalin Taikang dhe priste pronarin.
Mediat e huaja bëjnë të ditur se tani qeni është marrë nën kujdesin e një personi që vendosi të dilte vullnetar për ta mbajtur.
