Çifti shumë i komentuar i showbizit, Tuna dhe Patris Berisha janë përfolur shpesh për një ndarje të mundshme. Megjithatë pak kohë më parë i ftuar në emisionin "Një kafe me Labin", Patrisi bëri me dije se ai dhe Tuna vazhdojnë të jenë bashkë dhe janë shumë të lumtur.
Këtë e ka vërtetuar së fundmi dhe Tuna, e cila këtë të Shtunë ka uruar publikisht bashkëshortin me rastin e ditëlindjes së tij. Ajo ka publikuar në Instastory një foto të Patrisit pranë Tianit dhe e ka uruar me fjalët më të ëmbla.
“I dashur burrë, do doja të uroja më të mirat por ti tashmë i ke. Më ke mua dhe Tianin”, ka shkrua këngëtarja. Patrisi po e kalon ditëlindjen në karatinë prandaj dhe si shkrim dekor për tortën ka zgjedhur "torta e karantinës".
