Këngëtarja e njohur e muzikës popullore Irini Qirjako ishte së fundmi e ftuar në emisionin "Mes Yjesh" në Ora News. Gjatë intervistës ajo ka treguar një skenë xhelozie të bashkëshortit.
Irini rrëfeu se në fillimet e karrierës, i shoqi e kishte përndjekur rrugës për në shtëpi. Kjo skenë xhelozie ishte kthyer në zënkë pasi këngëtarja ishte bërë me nerva, mirëpo më pas janë rregulluar.
“Në fillim kur u futa në ansambël ishte meraku i madh, mbaj mend kur u nisa, unë e kisha shtëpinë tek Shallvaret, dhe nisesha çdo mëngjes në punë në Teatrin e Operas. Një ditë kur po kthehesha më pyet bashkëshorti: Nga erdhe ti? Nga cila rrugë? Pse i thash, ti më ke përndjekur mua? Maskara! Më hypën nervat, u zumë u bëmë dhe pastaj kaloi!”, ka treguar ajo.
