Ndodh shpesh që fansat të bëjnë tatuazh në trup emrin apo portretin e ndonjë personazhi të njohur. Vetëm së fundmi një fans ka bërë një gjest të tillë për këngëtaren shqiptare, Dafina Zeqirin.
Vetë këngëtarja ka publikuar në profilin e saj të Instagramit foto/video ku shihet shpatulla e një mashkulli. Ai ka gdhendur portretin e Dafinës së bashku me një tigër pranë saj.
Dafina nuk e ka treguar identitetin e mashkullit në fjalë por siç duket është lumturuar nga mbështetja dhe dashuria që merr nga fansat e saj. Kujtojmë se jeta private e këngëtares është komentuar shumë së fundmi. Ajo i dha fund lidhjes me Dj Geek vetëm pak kohë pasi e bënë publike.
