Pas tre javësh mungesë dhe që nuk ishte dukur askund, lideri i Koresë së Veriut, Kim Jong Un është shfaqur sërish. Mediat lokale kanë shkruar se ai është paraqitur me 1 Maj, për të festuar "Ditën e punëtorëve" dhe ka përuruar një fabrikë mbeturinash.
Udhëheqësi i Koresë së Veriut ka prerë shiritin e hapjes dhe të pranishmit kanë shpërthyer në duartrokitje për rishfaqjen e tij. Ai nuk ishte shfaqur në media që prej datës 12 Prill dhe që atëherë ka pasur spekulime të ndryshme globale mbi shëndetin e tij.
Në rrjet u përhapën shumë lajme që e mendonin të vdekur. Pavarësisht raportimit të mediave lokale, media të tjera si psh CNN shkruajnë se ende nuk është vërtetuar nëse informacioni është i vërtetë apo jo, nëse fotografitë janë aktuale ose mund të jenë shkrepur më parë.
Burimi: "CNN"
