Këngëtari i njohur, Sam Smith ka deklaruar se dyshon që është infektuar nga koronavirusi. Këngëtari nuk e ka bërë testin, por shprehet i sigurtë se ai tashmë është prekur nga Covid-19.
Në një intervistë për Zane Lowe, Sam tha: "Unë nuk u testova, por e di që e kam. Dyshoj se jam i infektuar sepse gjithçka që kam lexuar e vërteton. Kështu që po, mendoj se padyshim jam i infektuar".
Po ashtu edhe motra e këngëtarit ka shfaqur të njëjtat simptoma dhe ata janë vetëizoluar për tre javë bashkë.
Sipas Sam ata janë infektuar, para se në Mbretërinë e Bashkuar të merreshin masat e izolimit. Këngëtari tha se tani ndihet më mirë dhe po punon me muzikën e tij.
