Steve Hedley, kreu i sindikatës britanike të hekurudhave ka shokuar sot duke thënë se do të mbajë një festë të madhe nëse kryeministri Boris Johnson vdes nga koronavirusi.
Madje Steve shtoi: "Shpresoj që i gjithë kabineti me bastardë konservatorë, të infektohen".
Presidentja e sindikatës, Michelle Rodgers dhe sekretari i përgjithshëm Mick Cash, e quajtën të papranueshëm postimin e Steve.
Gjithçka nisi pas disa replikash në Facebook kur Hedley ia ktheu një mikut të tij: "Nuk dua të të ofendoj por nëse Bojo (Boris Johnson) ngre këmbët nga dielli, do të mbaj një festë të madhe".
"Mos hezito të më bësh bllok dhe shpresoj që i gjithë kabineti i bastardëve konservtorë të sëmuren, për atë që ata i kanë bërë të varfërve dhe të dobtëve", vazhdoi ai.
Dikush komentoi më pas se edhe Boris Johnson është një qenie njerëzore. Hedley ia kthe: "Hitleri, Mussolini e Franco, edhe ata ishin qenie njerëzore, të njëjtin argument do të përdorësh dhe për ta?"
