Një fizioterapiste 33 vjeçare nga Brazili, e quajtur Viviane Albuquerque, e cila ishte diagnostikuar me Koronavirus në javën 32 të shtatzënisë, ka ndërruar jetë por mjekët kanë shpëtuar fëmijën e saj me anë të një ndërhyrjeje urgjente cezeriane.
Me datë 1 prill ajo kishte dalë pozitive me Koronavirus dhe ishte transferuar menjëherë në njësinë e kujdesit intensiv për shkak të shtatzënisë. Me datë 3 prill gjendja e saj është përkeqësuar dhe më pas është intubuar. Ndërkohë me 4 prill është kryer urgjent ndërhyrja cezariane.
Fëmija lindi por nëna e tij ka ndërruar jetë një ditë më vonë. Partneri i saj, Erik Silva, ka treguar për mediat se fëmija i tyre ishte në njësinë e kujdesit intensiv në një gjendje të rëndë por të qëndrueshme. Fëmija peshonte 2 kilogramë dhe kishte pësuar një atak kardiak.
Foshnja po merr të gjithë kujdesin e nevojshëm nga ekipi mjekësor. Kjo ishte shtatzënia e dytë e 33 vjeçares, ajo kishte lindur më parë dy binjake, që sot janë 5 vjeç dhe të karantinuara bashkë me të atin.
Burimi: "Daily Mail"
