Italia është goditur rëndë nga Koronavirusi dhe në renditje globale, është vendi me numrin më të madh të vdekurve, duke kaluar dhe Kinën. Ekspertët mjekësore kinezë shprehet se masat e marra në Lombardi nuk janë mjaftueshëm strikte dhe kërkojnë përmirësim.
Ditën e enjte në një konferencë për shtyp, nënkryetari i Kryqit të Kuq Kinez, Sun Shoupeng u shpreh se situata në Itali është e ngjashme me situatën në Wuhan para dy muajsh.
“Situata aktuale në Lombardi është e ngjashme me atë që ne po kalonim në Wuhan dy muaj më parë. Në qytetin e Wuhan-it pas një muaji nga miratimi i politikës së bllokimit, ne shohim një trend në rënie nga piku i sëmundjes. Ndërkohë në Itali masat e izolimit nuk janë dhe aq strikte. Transporti publik vazhdon të jetë duke punuar dhe njerëzit vazhdojnë të lëvizin nëpër rrugë, ata vazhdojnë të hanë darka e të bëjnë festa në hotele ku nuk mbahen vënë as maska. Duhet që të gjithë qytetarët të jenë të përfshirë në luftën kundër Covid-19 dhe të ndjekin rregullat e vendosura. Të gjithë duhet të qëndrojnë në shtëpi", u shpreh ai.
Burimi: "abcnews.al"
