Një nuse nga Amerika ka reaguar ashpër ndaj të ftuarve që kanë refuzuar t'i shkojnë në dasmë nga përhapja masive e Koronavirusit. Ajo dhe partneri do të martohen pas 37 ditësh dhe përmes një postimi në rrjete sociale, gruaja (identiteti i së cilës është mbajtur anonim), shkruan se ka harxhuar mijëra dollarë për organizimin, është kujdesur për gjithçka deri në detaje dhe nëse të ftuarit nuk i paraqiten, do i konsiderojë të gjithë të vdekur.
"Do të martohem në 37 ditë. Kam harxhuar 15 muaj duke e planifikuar, kam harxhuar mijëra dollarë, jam palestruar, jam marrë me dhuratat, iu jam përgjigjur miliona emaileve dhe kam pirë shumë verë, prandaj ndihem e justifikuar t'iu kujtoj të ftuarve të mi se: Nuk më intereson, nëse ju mungoni në dasmën time për shkak të paranojës së Koronavirusit JENI TË VDEKUR PËR MUA", ka shkruar ajo.
Burimi: "Daily Mail"
