Të rinjtë duket se po tregohen moskokëçarës para rrezikut të Koronavirusit. Teksa shumë njerëz kanë anuluar udhëtimet nga frika e përhapjes së Covid-19, "NBC News" tregon se të rinjtë në SHBA po përfitojnë nga çmimet e ulta të biletave.
Henkel, 20 vjeç nga Kalifornia ka prerë bileta për të udhëtuar në tre shtete dhe siç shprehet "Nuk i plas fare për virusin".
"Edhe sikur Koronavirusi të bëhet më serioz, unë do jem duke udhëtuar. Nuk bëhet qejf duke ndjenjur në shtëpi të shqetësuar", tha e reja.
Madje në rrjete sociale të rinjtë po publikojnë edhe video ku shkruajnë se i rrezikojnë të gjitha për një udhëtim duke u treguar të papërgjegjshëm.
