Presidenti Ilir Meta ishte i ftuar sonte në emisionin “Opinion” në Tv Klan. Në fund të intervistës, Blendi Fevziu i dhuroi Presidentit një stilolaps me portretin e Gjergj Kastriot Skënderbeu dhe stemën e Republikës së Shqipërisë.
Pasi kësaj, Fevziu i kërkoi kreut të shtetit t’i jepte dhuratë Kushtetutën. Meta pranoi me kushtin që ta mbajë në një vend të nderuar dhe me dinjitet.
Blendi Fevziu: Tani t’ju kërkoj edhe unë një gjë. Më mirë live…
Ilir Meta: Çfarë?
Blendi Fevziu: A mund të ma jepni Kushtetutën tuaj dhuratë?
Lorenc Vangjeli: Është bashkë me reformën në drejtësi brenda ai.
Ilir Meta: Tani…
Blendi Fevziu: Ma jepni një Kushtetutë se nuk ju gjen gjë? Dhuroni Kushtetutën të paktën.
Ilir Meta: OK, por duhet ta mbash në një vend të nderuar.
Blendi Fevziu: Pa diskutim.
Ilir Meta: Dhe të gjithë shqiptarët duhet ta kuptojnë që kjo është Shqipëria jonë, kjo është Amerika jonë, kjo është Europa jonë dhe vetëm duke dashur Kushtetutën tonë siç duan amerikanët Kushtetutën e tyre do të bëhemi ai vendi që kanë aspiruar të parët tanë dhe që të jetojnë dhe të shkëlqejnë fëmijët tanë këtu. Unë po e puth dhe ta mbash me dinjitet këtë Kushtetutë.
Blendi Fevziu: Në një vend që nuk ka fotografi politikanësh do ta vendos.
