Në Konferencën e Sigurisë në Mynih (14 -16 shkurt), ku është takuar edhe me kryeministrin Rama, Zuckerberg do të sqarojë në fjalimin e tij që pritet të mbahet sot (e shtunë, 15 shkurt) se kompani si Facebook dhe Google duhet të krijojnë një regjim të ri global taksash.
Themeluesi i Facebook nuk ka folur ende për këtë ide, por një pjesë e fjalimit është zbardhur nga Politico.com – kompani amerikane me përmbajtje politike me bazë në Virginia.
Franca dhe Austria kanë miratuar rregulla kombëtare për taksimin e gjigantëve dixhitalë, kryesisht të kompanive amerikane. Edhe Parisi nisi një praktikë të tillë, por e anulloi pas presionit të Uashingtonit.
Kjo nismë e kompanive të mëdha vjen nga fakti se grumbullojnë shumë të ardhura edhe jashtë SHBA-së. Nuk dihet ende se si do të procedohet në vijim dhe çfarë kriteresh duhen plotësuar nga shtetet përkatëse.
